Blog時尚

「校服Look,點先著得靚?」— 眼鏡篇

中學果陣,覺得著校服返學,個個一式一樣,好冇隱。尤其係校裙,同日本果啲靚靚水手服比,真係輸足成條街。既然校服設計話唔到事,校規又話唔到事,咁講法,可以花心思嘅位只有一個,就係用簡單嘅配飾,襯出最有Taste嘅校服Look。

之不過想要有少少個性,就最好唔好太過跟大隊,如果唔係好易同人撞到澎澎聲,最常見既例子就係買書包(背包篇)。但而家先唔講番學袋住,講下揀眼鏡先!

眼鏡篇

1.漸變色膠框鏡

實色框(SolidColor)眼鏡,身邊唔少同學仔都用緊,若想有啲變化,兼保留青春氣息,試吓呢款膠框鏡。鏡框顏色係漸變(Gradient),好有玩味Feel。形狀方面,可以揀貓眼形(Cat-eye),睇落去比較瓜子臉(Oval Face)。

 

2. 蝴蝶形玳瑁鏡

蝴蝶形嘅Oversized眼鏡,好多明星都鍾意載,呢款眼鏡就算襯出街衫,都唔會覺得書呆子(Nerdy)。校服都係比較素色,鏡框可以揀玳瑁色(tortoise-shell)或琥珀色(amber),顏色唔好太sharp,因為本身係oversize,太鮮色會唔「襟」帶。

蝴蝶形玳瑁鏡

 

3. 圓形幼金屬邊框鏡

呢款眼款夠In,七、八十年興過,巨輪轉了轉,而家又興番。想要一種chic同innocent嘅少女感覺,點少得呢款經典。如果說校服係青春嘅印記,圓形幼金屬邊框鏡就係學生時代嘅最佳寫照,記得要selfie留個倩影呀。

圓形幼金屬邊框鏡

 

 

You may also like