住香港地

住 – 劏房,板間房, 共居,共享屋

劏房、板間房-、共享屋-英文係咩 Journey 11

英文點講好 – 劏房,板間房, 共居,共享屋

劏房一聽就知細,但細只係其中一個缺點,仲有安全問題,唔少劏房消防設備不足,逃生通道被阻;仲有機會塌,紅磡有間劏房今年6月塌左露台,張床半天吊。

劏房最正統講法(官方譯法)就係subdivided units, 也可用partitioned apartments. 若要再細分呢兩個terms,後者更貼近板間房(即要與其他租戶共用廚房、廁所)。

聽講有啲劏房, 劏到超細,四四方方,成個箱咁,坊間叫做「棺材房」,英文直譯為coffin homes / cubicles. 搵資料果陣見到呢圖片,真係認唔到係香港,繁華背後是千瘡百孔。

劏房、板間房-   棺材房

棺材房又令人諗起以前嘅籠屋(92年香港有套電影叫籠屋,以籠屋做題材),英文叫caged homes. 1990年,深水埗南昌街籠屋發生四級火,籠屋單位走火通道被雜物阻塞,7死。悲劇。

又有一種叫天台屋,典型嘅鋅鐵瓦頂(corrugated metal roof),呢啲屋十居其九都係違法,英文可以叫illegal rooftop hut.

天台屋 journey11

Fast Forward黎到2017年,後生仔、後生女會有興趣揀一種新嘅房屋類型黎租,叫共居,英文叫 co-living space,大概就好似大學宿舍,既有自己嘅私人房間,又有休息室(common areas)俾租戶social 一下. 當然,你都可以搵啲相熟朋友一齊去租私樓,即係flat-sharing.

共居

另外有一種新嘅房屋計劃叫「社會房屋共享計劃」,英文為Community House Movement, 由政府協調,社福界試行計劃,專門租俾基層家庭(grass-roots families), 租期 為2年,以不超過租戶入息25%為限。呢種共享房屋,英文可以叫 shared housing.


學多啲啲:

獨立屋,別墅,村/丁屋, 唐樓, 英文係咩?

蝸居、迷你戶 英文係咩?

額外印花稅、買家印花稅、雙倍印花稅 英文係咩?

You may also like