住香港地

住 – 居屋,白居二,補地價

居屋計劃,白居二,補地價-英文係咩

英文點講好 – 居屋,白居二,補地價

抽居屋,可能係而家最有希望置業嘅方法,原因係樓價通常以市價7折或更低黎定價,雖然市價7折都有可能好貴。居屋英文係HOS flats, HOS 意思係home ownership scheme. 中文叫居者有其屋計劃。

居屋,白居二,補地價

留意番,居屋嘅原意係希望財政能力較好嘅公屋租戶,可以用一個較市價便宜嘅價錢置業,變相將原先嘅公屋重新編配俾排緊公屋嘅人。財政能力較好嘅租戶,英文可以叫做better-off tenants. 重新編配英文叫re-allocation. 咁樣做可以增加公屋流轉量,英文叫increase / facilitate the turnover of public rental housing flats.

補地價

至於「白居二」嘅出現,即係「擴展居者有其屋計劃第二市場至白表買家臨時計劃」,英文叫Interim Scheme of Extending the HOS Secondary Market to White Form Buyers ,就係因為樓價實在太貴,好多人買唔起私樓,政府除左要幫原先嘅公屋租戶同合資格排公屋嘅人置業,仲要幫一班入息同總資產限額再高啲嘅人去置業。佢地同樣可以免補地價價錢(即係約市價7折)買居屋,做業主。

補地價,英文叫premium. 以免補地價價錢買居屋,英文就係purchase HOS flats with premium unpaid.

相關篇章:


 Did you know?

補地價係咩?好簡單,如果原先塊地唔係用黎起資助房屋,而係正價房屋,理應賣嘅價錢會跟市價,但而家因為係資助房屋,變左以市價e.g.七折出售俾合資格人士。補地價意思就係要補番政府少賺左果3成差價。補地價計算方法係用今天嘅樓價 x 當年嘅折扣率(e.g. 30%)。

You may also like