住香港地

住 – 樓花,租金回報,資本增值,業權

樓花,-租金回報,-資本增值,-業權-英文係咩

英文點講好 – 樓花,租金回報,資本增值,業權

大家都知道,樓市而家以一手市場(即新樓市場)主導,好大程度係因為地產商為買家提供融資計劃(financing),買家可以借夠錢入市(供唔供得起又係另一回事)。絕大多數新樓開售時,住宅項目仲係起緊階段,買家所買嘅住宅,叫做樓花,英文可以叫 off-plan property, pre-sale property, uncompleted residential property.

承認吧,買樓係一項投資,仲要係人生最大金額嘅投資之一;就算係自住,你買嘅單位都會因應市場升跌而影響到物業價值。如果樓市好,你嘅物業會隨之升值,物業本身係一項資產,所以叫資本增值,英文叫capital gain, capital growth.

樓花, 租金回報, 資本增值, 業權 journey 11

如果係想買樓放租,即係買一個buy-to-let property,想知賺得多唔多,就要睇租金回報,英文係rental yield。最簡單嘅計法係將(一年租金)除以(樓價),所得嘅百分比就係租金回報比率。但市場上嘅計法亦唔止一種。

提提你,喺香港「買」樓,唔係真正擁有永久業權(freehold ownership), 因為本港幾乎所有土地都係政府擁有,你買嘅樓仍然喺政府擁有嘅土地上,你只係該土地的「租用者」,所以個個業主都要交地租或地稅(Government rent).

樓花, 租金回報, 資本增值, 業權 journey 11

有興趣投資海外物業嘅人士,一定要知清楚你買嘅物業係永久地權(freehold property),定係租用地權(leasehold property ),如果係leasehold,可能會牽涉到其他稅收,甚至影響到你對該買業嘅使用權。

You may also like