住香港地

住 – 獨立屋,別墅,村/丁屋, 唐樓

英文點講好 – 獨立屋,別墅,村/丁屋, 唐樓

有錢人住嘅豪宅,大概feel到邊啲係真豪宅,邊啲係扮豪宅。半山果啲一間間屋仔,要億億聲,英文會叫 house, 中文叫獨立屋。

house

獨立屋係house, 咁別墅又係咩?概念上,別墅似乎多用於渡假用途,例如有啲香港人會去泰國買間豪華別墅,放假飛去玩玩。別墅通常會有大花園,英文係villa. 而villa十居其九都係獨立屋類型。

villa

別墅係villa, 咁mansion又係咩?意思上mansion其實係好大好大間嘅house,由好幾個建築部分組成,好富麗堂皇,例如皇室人員住果種,中文叫府邸或大宅。

mansion

獨立屋係一間間果啲,但新界啲村屋都係一間間,都係叫house? 係,不過叫village houses。但喺外國講village house,係指一間位於鄉郊或鄉村的獨立屋,未必係新界果種村屋。

village house

村屋叫village house, 即係丁屋都係village house? 係,但如果係想強調有丁權的村屋,更好係用small house. 呢個係專有名詞,唔係指細屋。

small house hong kong

講左咁耐house, 但其實大部分香港人住喺高樓大廈,一幢幢有電梯搭果啲,即係分層大廈(residential block / building),果啲住宅單位英文叫apartment 或者flat. 前者多用於美式英語,後者英式英語,香港曾經係英國殖民地,所以多用flat.

residential blocks

但住大廈唔一定有電梯,唐樓就冇,即係要行上去,所以唐樓英文係叫walk-up, 或者用拼音Tong Lau, 又或者叫tenement block / building.

tong lau / walkup / hong kong

政府為左增加住宅供應,話要「插針式」起樓,變相而家多左好多牙籤樓,即單幢樓,即standalone building. 留意番,單幢樓管理費因為少左戶數share, 會貴幾多嫁。

standalone building

如果你要作篇文,想講「房屋」呢個意思,而非某種特定房屋類型,可以用residential property, residence, housing, living space, home.


學多啲啲:

蝸居、迷你戶 英文係咩?

劏房,板間房, 共居,共享屋 英文係咩?

額外印花稅、買家印花稅、雙倍印花稅 英文係咩?

白表, 綠表, 自由市場 英文係咩?

資助房屋、首置上車盤 英文係咩?

居屋、白居二、補地價 英文係咩?

You may also like