住香港地

住 – 發水樓,地積比,露台,窗台

發水樓,地積比,露台,窗台,工作平台-英文係咩-

英文點講好 – 發水樓,地積比,露台,窗台

買樓最怕買左發水樓,發水樓即係縮水單位,英文係inflated flat / building. 要知咩叫發水樓,首先要知道一樣野叫地積比(plot ratio),限定每個樓盤有幾多可出售面積,地產商須要遵守。

但某啲可豁免面積(例如露台、工作平台)就唔計入地積比所限面積,地產商喺啲單位起露台同工作平台,再將呢啲豁免面積計入銷售面積(saleable area)裡面,銷售面積即實用面積,買家誤以為個單位嘅居住空間大左,但其實呢啲豁免面積好唔實用。

發水樓,地積比 journey 11

喺2013年之前,窗台(windowsill / bay window)仲係計入實用面積裡面,當時發水樓嘅特色係大窗台。而家以玻璃幕牆為主(因可計入實用面積)。

windowsill journey 11

而家買新樓,好多時見到一種叫工作平台,英文叫utility platform, 另一種叫露台,英文叫balcony. 工作平台一般喺廚房側,面積細啲,用黎晾衫。呢啲組成部分嘅出現,都係因為地產商知道呢啲係豁免面積,到賣樓果陣可以標示更大的實用面積。至於係咪真係實用,睇完樓咪知囉。


學多啲啲:

蝸居、迷你戶 英文係咩?

上車客英文係咩?

額外印花稅,買家印花稅,雙倍印花稅 英文係咩?

You may also like