住香港地

住 – 白表, 綠表, 自由市場

白表,-綠表,-自由市場-英文係咩? Journey 11

英文點講好 – 白表, 綠表, 自由市場

一時又綠表,一時又白表,到底有咩分別?簡單講,就係要以經濟狀況去區分社會上需要幫助嘅人士;綠表人士經濟狀況較白表人士差,所以得到嘅政府資助會多啲。綠表人士英文係green form applicant,白表人士英文係white form applicant.

因為要衡量經濟狀況,所以會對申請者嘅入息和資產限額進行審查,再由政府評定申請者是否合資格嘅綠表人士或白表人士。入息和資產限額英文叫income and asset limits. 另外,means呢個字都可解作入息,例如 means test=入息審查。

income

綠表人士一般為公屋租戶、合資格嘅公屋申請者、合「公務員公共房屋配額」資格的初級公務員、「長者租金津貼計劃」受惠者等。合資格英文可以用eligible. 符合綠表資格,英文就係eligible for Green Form status.

白表人士一般為私樓住戶、資助房屋計劃單位住戶的家庭成員等。假如你老豆係而家租緊間公屋嘅戶主,佢啲仔女申請居屋,都係白表人士。

白表, 綠表, 自由市場 英文係咩

買左嘅資助房屋,想好似私樓咁賣出去俾任何人,就要補地價俾政府先得。如果唔補,就只可以賣番俾綠表人士或合「白居二」資格人士。 因此就有居屋第二市場同自由市場嘅出現。居屋第二市場英文叫HOS secondary market;自由市場(或叫公開市場)英文叫open market. 如果你非綠表或白表買家,就只可以係open market買樓,一切以市價主導。


 Did you know:

2017/18年度,2人公屋入息限額為 17,350元;公屋資產限額為333, 000元。


學多啲啲:

資助房屋、首置上車盤 英文係咩?

居屋、白居二、補地價 英文係咩?

租置計劃、綠置居、公屋輪候冊 英文係咩?

額外印花稅、買家印花稅、雙倍印花稅 英文係咩?

蝸居、迷你戶 英文係咩?

劏房,板間房, 共居,共享屋 英文係咩?

You may also like