住香港地

住 – 額外、買家、雙倍印花稅

額外、買家、雙倍印花稅-英文係咩

英文點講好 – 額外、買家、雙倍印花稅

樓價升,有人話係房屋供應不足,政府短視;有人話係熱錢流入本港樓市,茅頭直指內地人來港炒樓;有人又話係政府推辣招干預市場,遏抑剛性需求,令樓價反升不跌。

唔同身份嘅人睇本港樓市,著眼點都好唔同。投資者想要升值潛力,越旺越有利;普羅大眾只係想搵買得過、又供得起嘅樓。但無論如何,只要你有意入市,都要計一計置業成本,同埋計下自己要俾幾多印花稅。

《額外、買家、雙倍印花稅 英文係咩?》

先講樓市辣招,英文係property market cooling measures /easing policies. 辣招原意係透過提高稅款來增加炒樓投資者嘅買賣成本,藉此為樓市降溫,協助小市民上車。

政府有另一個好長嘅名去稱呼辣招,叫需求管理措施,英文係demand-side management measure.

要知道現行辣招對自己有咩影響,就要知道自己屬於邊一類買家。可以肯定嘅係,如果你係香港永久性居民,又係首次入市,俾嘅印花稅一定最少。

《額外、買家、雙倍印花稅 英文係咩?》

印花稅英文係Stamp Duties, 物業方面嘅印花稅,英文自然係 property stamp duty /property tax. 而家(本文於2018年3月寫)買樓要俾咩野印花稅?每種印花稅有咩唔同?好粗略講解一下:

額外印花稅(SSD)

額外印花稅英文係Special Stamp Duty. 呢個稅同轉售有關,如果你買入嘅住宅單位喺三年內轉售就要徵稅。

 

可否豁免?

如果你嘅單位喺2010 年 11 月 20 日之前買入,就唔駛俾呢個稅。又或者單位喺2012年10月27日之後買入,三年後先轉售,都唔駛俾呢個稅。

 

徵幾多稅?

視乎你幾時買入果一個單位,同埋幾時轉售。上政府網查一查就知個稅率係幾多。留意番,即使簽嘅係臨時買賣合約,都要俾印花稅。


買家印花稅(BSD)

買家印花稅英文係Buyer Stamp Duty. 呢個稅同買家身份有關,如果你係非香港永久性居民,又或者係以公司名義買樓,就要徵稅。

 

可否豁免?

香港永久性居民就唔駛俾呢個稅。

 

徵幾多稅?

樓價15%。


雙倍印花稅(DSD)

雙倍印花稅英文係Double Stamp Duty. 即係要俾雙倍嘅從價印花稅。買樓不嬲都要俾從價印花稅(Ad Valorem Stamp Duty,係拉丁文),但咩情況下要俾雙倍?呢個稅同買家持有幾多個單位有關。如果買家本身持有一個單位,想再買第二個或更多,就要徵雙倍稅。

 

可否豁免?

買一個住宅咪冇事囉。

 

徵幾多稅?

香港永久性居民:樓價15%;非香港永久性居民及公司名義買:樓價30%。


學多啲啲:

蝸居、迷你戶 英文係咩?

上車客英文係咩?

發水樓,地積比,露台,窗台 英文係咩?

You may also like